Imatonan daytoy da Alfredo ken Cherry Quibol, Francisco ken Aurora Ponce, ken da Amado ken Gloria Yoro, kas iti sigud, agpaay ti pasalip kadagiti agdadamo a mannurat iti Iluko a “kas pangaron iti reggetda a mangpatadem pay iti plumada.”

Agdagup met iti P25,500.00 ti premio a pagbibingayan dagiti mangabak.

Adtoy ti kompleto a pagannurotan:

1. Mangrugi ti salip iti Mayo 23, 2011 ket aggibus daytoy iti Enero 31, 2012.

2. Agpaay laeng ti salip kadagiti agdadamo a mannurat iti Iluko. Itoy a pasalip, maibilang nga agdadamo ti mannurat no awan pay ti naipablaak a saritana iti Bannawag. No adda man, di koma nasursurok ngem tallo ti naipablaakna agingga iti Mayo 16, 2011 a bilang ti nasao a magasin.

3. Siwawayawaya ti autor a mangpili iti topiko ti isalipna a sarita.

4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti doble espasio (Times Roman Medium 12 pts. iti computer), ken adda espasio wenno margin a maysa a pulgada iti amin nga igid ti papel.

5. Maysa laeng a sarita ti mabalin nga isalip ti tunggal autor.

6. Nasken nga orihinal, di pay naipablaak wenno naadaw iti ania man a sinurat ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna.

7. Ti parbo a nagan ti autor ti agparang a naganna a kas autor ti sarita. Ipatulod ti pakisalip iti uppat a nadalus a kopia ken pakuyogan iti narikpan a sobre a naglaon iti pudno ken parbo a nagan ti autor, paulo ti pakisalip, kaudian a ladawan ken ababa a pakasaritaan ti biag ti autor, adres ti agdama a pagnaedan, agraman e-mail address ken numero ti selpon wenno telepono a mabalin a pakakontakan iti autor. Iti rabaw ti sobre, isurat ti paulo ti sarita ken parbo a nagan ti autor.

8. Ipatulod ti pakisalip babaen ti koreo wenno personal nga idatag ti pakisalip itoy nga adres: Short Story Writing Contest, 14th AMMAFLA, c/o Bannawag, Manila Bulletin Publishing Corp., Muralla corner Recoletos Sts., Intramuros, 1002 Manila. Nasken a maawat ti Bannawag ti pakisalip iti di naladladaw ngem iti Enero 31, 2012. Saan a mairaman iti salip ti entry a maawat kalpasan dayta a petsa.

9. Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak. Mabalinda met ti mangparnuay iti sabali a gunggona, no kasapulan.

10. Mapakaammuanto dagiti mangabak no kaano ken sadino ti pakapadayawanda. No met matakuatan a sinalungasing ti mangabak ti Pagannurotan Blng. 2 ken/wenno 6, maibabawi ti premiona ken mapawilanton a makisalip iti ania man a pasalip ti AMMAFLA.

Mainaig itoy, addanto maangay a seminar-workshop iti Iluko inton Mayo 28, 2011 iti Governor’s Gallery, Abra Provincial Capitol apakaisuruan dagiti dumar-ay iti panagsurat iti daniw, sarita ken salaysay. Manamnama nga addanto limapulo a dumar-ay itoya seminar, kas kuna ni De Guzman, a kaaduanna kadakuada dagiti estudiante iti kolehio ken haiskul a madama pay laeng nga agbakbakasion.

Iti panglukat a programa, pasangbayento ni Abra Gob. Eustaquio Bersamin dagiti dumar-ay iti nasao a seminar-workshop.Tampok ti seminar ti eleksion dagiti baro nga opisial ti GUMIL Abra. (D. R. Alcantara)

Mapakaammuanto dagiti autor a mairaman iti antolohia dua lawas kalpasan ti naituding a deadline. Maipablaak ti libro iti wagas a tagnawa.Para iti detalye, makiuman kadagiti editor iti e-mail iti ngato wenno iti selpon 0918-745-8792.

Para iti kompleto a pagalagadan, dumagas iti Pakarso ni Asseng http://pakarsoniasseng.blogspot.com/2011/04/alimpatok-antolohia-dagiti-erotic-daniw.html

Pinangabak ni Nesperos, i-San Nicolas, Ilocos Norte, ti daniwna a “Sally, Sally a Mannursir” a nangyalatanna ti Umuna a Gunggonanga immawatanna iti P2,000 a premio a kuarta ken libro a Nabalitokan a Tawid, antolohia dagiti sarita iti Iluko, maysa kadagiti pito a libro anayalnag iti nasao a dap-ayan dagiti mannurat nga Ilokano iti Filipinas ken iti ballasiw-taaw.Nagun-od met ni Elmer Lopez (i-San Nicolas, I.N. met laeng) ti Maikadua a Gunggona (P1,000 ken libro) babaen ti daniwnaa “Danilehia”. Ni met Derick Yabes babaen ti entryna a “Quo Vadis, Kayumanggi” ti nakagun-od ti Maikatlo a Gunggona (P750 ken libro).Dagiti tallo a consolation prize winners a naipaayan iti premio a libro: Freddie Masuli (“Panaginana: Gunggona”), Renato Taylan (“Sally V,Nailian a Dung-aw ti Panagdur-as”), ken Rolando Seguro (“Kadakayo a Tallo”).

Dagiti naghurado: Ed Angco, chairman; Ben Pacris ken Guillermo Concepcion, agpada a kameng.Dagiti nangesponsor itoy a maikadua a tawenen a pannakaangay ti Sta. Raffaella On-the-Spot Iluko Poetry Writing Contest: Artemio “Smith”Raguindin ken Florencio Rafal ti Sta. Raffaella Ilocano Community iti Rome, Italy. (PIA-Vigan)

Nabutosan nga awan kinasangona ni retirado a Hues Vivencio S. Baclig a baro a presidente ti GUMIL Filipinas, ti gunglo dagiti mannurat nga Ilokano iti Filipinas ken ballasiw-taaw, iti naangay nga eleksion ti gunglo bayat ti Dap-ayan 2011, ti maika-43 a Nailian a Kombension ti GF.

Dagiti dadduma pay a nabutosan nga awna met  laeng kinasangoda: Vilmer Viloria (bise-presidente), Djuna Alcantara (sekretario-heneral), Eden C. Bulong (tesorera), Eliseo B. Contillo (auditor), Sherma E. Benosa (PRO), ken Mario Tejada (business manager), ken dagiti kameng ti Hunta Direktiba:  Ma. Rose A. Cabie, Manuel S. Diaz, Efren A. Inocencio, Freddie Pa. Masuli, Vicente P. Palcong, Mighty C. Rasing, Rodie U. Taan, ken Ariel S. Tabag. (gf.com)

Agtitipon itoy a Pambansang Summit sa Wika (PSW) 2011 dagiti kangrunaan nga autoridad ken propesional maipanggep kadagiti pakaseknan ti lengguahe– kas agpampanday kadagiti pagannurotan maipanggep iti lengguahe, dagiti mangipakpakat kadagitoy a pagannurotan, dagiti administrador, mangisursuro, kritiko, mannurat, estudiante ken dadduma pay nga addan iti panagduyos ken panangisakit iti masakbayan dagiti lengguahe iti Filipinas.

Panggep ti PSW 2011 a tukoden ti agdama a kasasaad dagiti lengguahe iti Filipinas ken mangbuangay iti nasaknap a panangtitinnulong dagiti indibidual, dagiti grupo, dagiti ahensia ken institusion iti pannakapadur-as ken pannakapabileg dagiti amin a lengguahe iti Filipinas, aglalo dagiti babassit a lengguahe nga agdidiaya ti pannakapukawda a pakairaman dagiti nabaknang a nariingan a pagsiriban, tradision, ken pakasaritaan a nayurit kadagiti nasao a lengguahe.

Ti bayad ti rehistrasion: P1,500 (para iti simple a Summit kit ken sertipiko ti pannakiparstisipar). Para iti reserbasion ti pagyanan ken dadduma pay a saludsod, umawag iti: Kolehiyo ng Sining at Komunikasyon/ Komite ng mga Wika at Kultura Tel: (074) 444 8393/ cp: 09157907243 wenno ag-e-mail iti: brian.lumague@gmail.com.

PANGRUGIAN A PANANGADAL ITI PANAGSURAT ITI ILOKO: PASEMINAR TI GOBIERNO PROBINSIAL TI LA UNION. Nasurok a 50 dagiti timmabuno manipud kadagiti nadumaduma a departamento ti Gobierno Probinsial ti La Union nga idauluan ni Gob. Manuel C. Ortega, agraman dagiti information officers manipud kadagiti nadumaduma nga ili ti La Union ti timmabuno ken nangileppas iti 2-aldaw a seminar nga inwayatna idi Abril 4-5, 2011 iti Diego Silang Hall ti Kapitolio. Maipapan iti panagsurat iti damag, salaysay, editorial ken kolum iti Iloko (Iluko) ti inlektiur da Djuna R. Alcantara, presidente ti GUMIL La Union (maikanem manipud iti kanigid) ken Dr. Ed H. Angco (likud, maikanem manipud iti kanigid). Ni Adamor L. Dagang, Provincial Information and Tourism Officer (PITO) ti La Union (sango, maikalima manipud iti kanigid) ti nangyawat iti sertipiko kadagiti nagturpos iti Iloko writeshop. Mairaman pay kadagiti nangiturpos iti panagadal ni Dr. Jane Flores (maikapito iti kanigid, sango), presidente ti Governor’s Press Corps ken nangibagi iti Sangguniang Panlalawigan. Adda iti likud ni Firth McEachern (maikapat iti likud, kanigid), maysa a konsultant ti probinsia. Ni Israel Rudio, AO4 ti PITO, ti nangiwardas iti pannakaipataray ti writeshop. Awan iti ladawan dagiti dadduma pay a nagatendar. (Rinetrato ni Fred R. Buenaventura, Jr., PITO, La Union)

Dadduma pay a nangabak:
Maikadua a Gunggona: Derick Marcel F. Yabes (“Ti Pusak a Gusing”); Maikatlo: Agustin DC. Rubin (“Ti Trayanggulomi”); Maikapat: Benjamin P. Pacris (“Abakada ni Bulaylay”); Maikalima: Jobert M. Pacnis (“Ditoy”); ken, Maikanem: Mighty C. Rasing (“Daytoy Lapisko”).

Dagiti naghurado: Prodie Gar. Padios, pangulo; kameng da Jeff A. Apolonio ken Ariel S. Tabag.

Iti met Salip iti Pangbasa iti Daniw a Para Ubbing (agtawen iti 9-10) nga inwayat ti GUMIL Filipinas bayat ti Dap-ayan
2011, ti maika-43 a Nailian a Kombension ti gunglo, iti pannakitinnulong ti RFAAFIL, inyalat ni Ralph Recto Calube
ti Currimao, Ilocos Norte ti Umuna a Gunggona. Immawat iti Sertipiko ken kuarta a P1,000.00. Ni met Via Hannah Visaya ti
Isabela ti Maikadua a Gunggona (Sertipiko ken P500.00).

Naiwayat ti nasao a pasalip tapno maparegta dagiti ubbing nga Ilokano nga agbasa iti nakayanakanda a pagsasao.

Pinangyalat ni Bravo, Teacher III iti Pugaoan Bungro Elementary School, Pinili, Ilocos Norte ti saritana a “Hay, Maestra”. Umawat iti Sertipiko ti Pammadayaw ken P9,000 a cash prize.

Dagiti naghurado: Juan Al. Asuncion (pangulo), ken Neyo E. Valdez (kameng), ken Ariel S. Tabag (kameng).

Dagiti esponsor : Mr. ken Mrs. Amado I. Yoro, Mr. ken Mrs. Francisco T. Ponce, ken Mr. ken Mrs. Fred Quibol.

Mapadayawan dagiti nangabak bayat ti Dap-ayan 2011, ti Maika-43 a Kombension Nasional ti GUMIL Filipinas iti Cabugao Beach Resort, Pug-os, Cabugao, Ilocos Sur a maangay inton Abril 15-17, 2011.