DETALYE TI KAMENG/APLIKANTE:

Kategoria iti Panagkameng* (Tsekan) :
Regular                      Junior
Associate             Honorary

Nagan ti Pagkamengan a GF Chapter:                    Petsa ti Panagkameng:

Nagan ti Aplikante/Kameng:
Nagan                                        Apeliedo ti Ina                                    Apeliedo

Adres ti Opisina:

Adres ti Pagtaengan:

Numero ti Telepono:                                                                          Numero ti Fax:

Numero ti Selpon:                                                                              Telepono iti Pagtaengan:

Adres iti E-mail:                          (Mangisapit iti kaudian a 2×2 a ladawan)

LISTAAN DAGITI SINURAT (Ilanad ti detalye ti pannakaipablaakna; agusar iti sabali a papel):

ABABA A PAKASARITAAN TI BIAG (Agusar iti sabali a papel):

*KATEGORIA TI PANAGKAMENG:
1. Regular a Kameng: Asino man nga Ilokano a mannurat a nakaipablaaken iti maysa a sarita iti Iluko, wenno maysa nga artikulo, wenno salaysay iti Iluko, wenno tallo a daniw iti Iluko iti uray ania a mabigbigbig a publikasion kas iti magasin, libro, wenno pagiwarnak a maiwarwaras iti intero a pagilian wenno sangalubongan. (Mangisapit iti listaan dagiti naipablaak a sinurat.)

2) Associate a kameng: Asino man nga Ilokano a mannurat a nakaipablaaken iti sinuratna iti sabali a pagsasao/lengguahe. (Isapit ti listaan dagiti naipablaak a sinurat.)

3) Junior a kameng: Asino man nga Ilokano nga agpanggep nga agsurat ken mabalin nga agbalin a regular a kameng apaman a matungpalna dagiti rekisito ti maysa a regular a kameng.

4) Honorary a kameng: Nupay saan a mannurat iti Iluko, nakaipaay iti naisangsangsayan a kontribusion iti pannakapabaknang ken panagdur-as ti Literatura Ilokana.

KATULAGAN ITI PANAGKAMENG:

1. Asino man a kameng a nakatungpal kadagiti pinansial nga annongenna iti Gunglo iti naituding a panawen, agraman ti panagbayad iti bayad para iti panagkameng, maibilang a kameng in good standing ken maipaay kenkuana ti amin a karbengan ken pribilehio kas sagudayen ti Konstitusion ken Paglintegan.

2. Asino man a kameng a di nakatungpal kadagiti pinansial nga annongenna iti Gunglo, agraman ti panagbayad iti bayad para iti panagkameng, tallo a bulan kalpasan ti naituding a panagbayad (bayat ti kombension iti Abril), maibilang daytoy kas saan nga aktibo a kameng. Automatiko a maisardeng ti pannakaipaay kenkuana kadagiti karbengan ken pribilehio ti maysa a kameng kas sagudayen ti Konstitusion ken Paglintegan. Maisubli ti panagkameng in good standing daytoy apaman a matungpalna amin a pinansial nga annongenna.

3. Dagiti laeng regular a kameng in good standing ti maipaayan iti karbengan nga agbutos ken pabutosan iti eleksion dagiti opisial, ken/wenno makipaset iti pannakatratar dagiti napapateg nga isyu mainaig iti GUMIL Filipinas.

4. Maipaay ti Honorary a panagkameng iti asino man nga indibidual a nakaipaay iti naisangsangayan a kontribusion iti panagdur-as ti Literatura Ilokana, wenno awan ressat a tumultulong iti GUMIL Filipinas tapno maragpatna dagiti panggepenna. (Mabalin a mangirekomenda ti asino man a sangapulo a kameng ti GUMIL Filipinas iti Hunta Direktiba ti maysa nga indibidual tapno agbalin nga honorary a kameng. Awan ti pinansial nga annongenna iti GUMIL Filipinas ti maysa nga honorary a kameng ken saan met a mabalin nga agbutos. Nupay kasta, no adda pannakabalinna, naynay koma a makonsulta kadagiti importante a bambanag mainaig iti pannakatungpal dagiti in-inep ti Gunglo.

PROSESO TI PANAGAPLIKAR/PANAGPABARO ITI PANAGKAMENG:

1. Masapul a kameng ti maysa a GUMIL Chapter ti aplikante. Yendorso ti Chapter President a pagkamenganna iti Membership Committee para iti umisu a pannakaarisit. Iti sabali a bangir, ti Chapter President ti mangyendorso iti Membership Committee kadagiti nagan dagiti kameng a mangpabaro iti panagkamengda. Idatag ti nasao a komite ti pangngeddengda iti Hunta Direktiba para iti pinal a pangngeddeng.
2. Agpatingga iti maudi nga aldaw ti Enero iti agdama a GF Year ti panagawat ti aplikasion iti panagkameng/pannakabaro ti panagkameng. Iti met maudi a quarterly meeting ti Hunta Direktiba a masansan a maang-angay iti Pebrero ti pannakaipakaammo ti panggeddeng para iti/kadagiti nasao nga aplikasion.
3. Iti kombension iti masungadna nga Abril ti panagsapata dagiti maawat a baro a kameng.
4. Dagiti laeng regular a kameng a nakapagbayad agingga iti Enero 31 ti mapalubosan nga agkandidato para iti eleksion dagiti opisial iti Abril. Dagitoy met laeng ti maibilang nga aktibo a kameng. No agbayad kalpasan ti nasao a petsa, agaktibon iti sumaruno a GF Year a mangrugi iti Mayo 1.
5. Kadagiti kameng a nabayag a napukaw iti sirkulasion ti Gunglo, babaen ti panangyendorso ti Chapter President ti pagkamenganna a GUMIL Chapter, bayadanna ti pinansial nga annongenna manipud iti 2007.
6. Ti bayadan: P200 para iti annual fee, idinto a P200 met iti membership. Ti Chapter President ti mangsingir ti bayad ti adda iti babaenna a kameng, sa yawatna daytoy iti Tesorera ti Gunglo.

DAGITI KONDISION KEN PANAGWASWAS:
1. Mangrugi daytoy a katulagan manipud iti petsa ti panagkameng/pannakapabaro ti panagkameng iti GUMIL Filipinas ken agpatingga iti pannakawaswas daytoy a panagkameng kas mayataday iti Konstitusion ken Paglintegan.
2. Maipaayan ti tunggal kameng ti GUMIL Filipinas iti umisu nga identification card ken kopia ti Konstitusion ken Paglintegan.
3. Addaan karbengan ti Hunta Direktiba ti GUMIL Filipinas, babaen ti panangyendorso ti Membership Committee, a mangisardeng iti panagkameng kas mayataday iti Konstitusion ken Paglintegan.

PAGLINTEGAN
Bigbigek a daytoy panagkamengko iti GUMIL Filipinas ket agdalan kadagiti kondision ti Konstitusion ken Paglintegan daytoy.

Conforme:

Pirma        ________________________________________________
(Ilanad ti nagan ken agpirma)

Petsa         ________________________________________________

Insagana ti MEMBERSHIP COMMITTEE 2009-2011:

ARIEL S. TABAG – Chairman
EDEN C. BULON – Co-chairman
FREDDIE LAZARO – Member
EFREN INOCENCIO – Member
VIRGILIO D. DOMALOY- Member

Palagip:

Dumawat kadagiti chapter presidents iti pormulario ti panagkameng/panangpabaro iti panagkameng. Ti adda iti ngato ket para laeng iti impormasion ti amin.

[Translate]

powered by