1.      Agawat ti gumilfilipinas.com kadagiti naipablaaken a gapuanan dagiti kameng ti gunglo nga in good standing (http://gumilfilipinas.com/?page_id=96; http://gumilfilipinas.com/?page_id=109) kas iti sarita, salaysay, daniw, ken damdamag.

2.      Nasken a naipablaaken kadagiti publikasion kas iti Bannawag, Balikas, ken dadduma pay a nasional a pagiwarnak ken iti Internet dagiti gapuanan a maidatag. Ikabil iti footnote ti manuskrito ti immuna a nakaipablaakan ti gapuanan, petsa ti pannakaipablaakna, ken dadduma pay a detalye ti publikasion kas iti volume ken series number. Pakuyogan met ti manuskrito iti nakapsionan a ladawan, no adda ken/wenno kasapulan.

3.      Ipatulod dagiti gapuanan iti gumil.filipinas@gmail.com kas attachment. Iturong iti editor ken ilanad iti subject a ‘Submission Para Iti gf.com.’ Dagiti laeng naidatag babaen iti e-mail ti awaten ti editorial board.

4.      Adda karbengan ti editorial board a mangedit wenno saan a mangipaskil kadagiti gapuanan a maidatag nga awan sungsungbatanna iti autor. Saan met a kasapulan nga insigida a maipablaak dagiti gapuanan a maidatag.

5.      Mabalin ti editorial board ti mangipaskil kadagiti gapuanan a namnamaenna a magustuan dagiti agbasa uray pay no saan nga indatag ti autor para iti gumilfilipinas.com no la ketdi adda pammalubos ti autor.

6.      Mabalin pay ti editorial board ti mangputar kadagiti obra a maisangrat para iti gumilfilipinas.com (orihinal ken di pay naipablaak) wenno agdawat kadagiti namnamaenna a mabalin a makatulong nga agsurat kadagiti material a kasapulan ti website. Daytoy ket karbengan ken nawaya a pangngeddeng ti editorial board.

7.      Agtalinaed ti copyright iti autor.

8.      Saan a mabayadan dagiti gapuanan a maipablaak iti website.

[Translate]

powered by