Ania ti Mother Language Education? Ni Dr. Jurlita U. Basuel, Education Program Supervisor iti English iti Division of Ilocos Norte (maikadua iti kanawan) iti pannakaipaay kenkuana ti maysa a simbolo ti panagyaman manipud iti GUMIL Filipinas, ti gunglo dagiti mannurat nga Ilokano iti Filipinas, iti kaaddana iti taripnong dagiti mannurat iti Pangil Beach Resort, Currimao, Ilocos Norte itay Abril 9-11 a nangilawlawaganna no ania ti makunkuna a Mother Language Education wenno panangusar iti nakayanakan a dila ti ubing a kas pangisuro kenkuana; iti kasta, ad-adda pay a maawatan ti ubing dagiti leksionna; ngarud, adu ti masursurona. Manamnama a marugian ti pannakausar ti bukod a lengguahe a kas pangisuro manipud kadagiti agad-adal kadagiti pagadalan a preparatory agingga iti Grado Tres iti umay a panaglulukat ti klase, kadagiti man publiko ken pribado a pagadalan. Mainaig itoy, kiniddaw ni Dr. Basuel ti tulong ti GUMIL Filipinas tapno agballigi daytoy a programa ti DepEd nangruna kadagiti lugar a pakaaramatan ti lengguahe nga Iluko. Nairaman iti ladawan da Reynaldo E. Andres, moderator iti nasao a taripnong; Ely Madarang-Raquel, presidente ti GF; ken Gladys Menor, presidente ti GUMIL Oahu. (Rinetrato ni Leo S. Fagaragan)

[Translate]

powered by