Inyalat ni Jess P. Coloma ti San Nicolas, Ilocos Norte ti umuna a naisangayan a gunggona iti salip iti panagsurat iti salaysay iti Iluko babaen ti salaysayna a “Pagsasao a Filipino, Bin-i a Nagrusing iti Baler, Nagsaknap iti Intero a Pagilian”.  Adda iti umuna a tukad ti Bachelor in Secondary Education iti Data Center College of the Philippines, Laoag City.

Nagun-od met ni Raul F. Hadap ti Sta. Lucia, Ilocos Sur ti Maika-2 a Naisangayan a Gunggona babaen ti salaysayna a “Filipino, Nagrusing, Nagsampaga, Nagsaknap!” Addan iti maudi a tukad ti Bachelor in Secondary Education iti University of Northern Philippines-Candon City. Naipaay met ti Maika-3 a Naisangayan a Gunggona ken ni Via Bing T. Bulaun ti Laoag City babaen ti salaysayna nga “Ubbog.” Adda iti maikatlo a tukad ti Bachelor of Science in Accountacy iti Mariano Marcos State University, Batac City.

Naangay ti seremonia ti pammadayaw idi Set. 8, 2009 iti Teatro Ilocandia, MMSU, Batac City. Nagpaay a hurado da Daniel L. Nesperos, Roy V. Aragon ken Joel B. Manuel.

Ti nasao a pasalip ket nagbinnuligan ti Komisyon sa Wikang Filipino ken ti Panrehiyong Sentro ng Wikang Filipino R-1, nga idauluan ni Prof. Janeth S. Rivera ti Mariano Marcos State University, Batac City. (dln)

[Translate]

powered by